योग-अभ्यास मार्गदर्शक पुस्तिका

योग हा केवळ व्यायाम नसून जीवनशैली आहे. शरीर, मन आणि आत्म्याचा समतोल साधणारा हा प्राचीन भारतीय ज्ञानमार्ग आज जगभरात स्वीकारला जात आहे. एनसीसीच्या नवीन अभ्यासक्रमात योगाचा समावेश विद्यार्थ्यांना शारीरिक तंदुरुस्ती, मानसिक स्थैर्य आणि चारित्र्य विकासासाठी उपयुक्त ठरतो.
या पुस्तकात प्रार्थना, पूरक हालचाली, विविध योगासने, प्राणायाम आणि ध्यान यांचा क्रमशः अभ्यास दिला आहे. प्रत्येक आसनाची पद्धत, वेळापत्रक आणि महत्त्व यांचा संक्षिप्त आढावा विद्यार्थ्यांना मार्गदर्शक ठरेल.
21 जून आंतरराष्ट्रीय योग दिनाच्या निमित्ताने विद्यार्थ्यांना योगाविषयी सखोल माहिती मिळावी, तसेच त्यांच्या दैनंदिन जीवनात योगाचा अंगीकार व्हावा, हा या ग्रंथाचा मुख्य उद्देश आहे.
हे पुस्तक विद्यार्थ्यांना शारीरिकदृष्ट्या सक्षम, मानसिकदृष्ट्या स्थिर आणि सामाजिकदृष्ट्या जबाबदार नागरिक बनविण्यासाठी प्रेरणा देईल.