About

आमची कहाणी | Our Story

ज्ञानाचा प्रसार आणि समाजाच्या बौद्धिक विकासासाठी प्रकाशन क्षेत्राला नेहमीच विशेष स्थान लाभले आहे. या परंपरेला पुढे नेण्याच्या उद्देशाने प्राईम पब्लिशिंग हाऊस, जळगाव ची स्थापना २१ जुलै २०२४ रोजी झाली. अल्पावधीतच या संस्थेने शैक्षणिक व संशोधन क्षेत्रात आपले वेगळे स्थान निर्माण केले आहे.

संस्थेचे व्यवस्थापन श्री. प्रदीप पाटील यांच्या मार्गदर्शनाखाली चालते. प्रकाशन क्षेत्रातील त्यांचा १८ वर्षांचा अनुभव आणि सातत्यपूर्ण योगदानामुळे संस्थेला दिशा, स्थैर्य आणि प्रगतीचा मार्ग मिळाला आहे. त्यांच्या नेतृत्वाखाली संस्थेने केवळ पुस्तके प्रकाशित केली नाहीत, तर ज्ञानाचा दीप समाजात प्रज्वलित ठेवण्याचे कार्य केले आहे.

आजपर्यंत संस्थेतून ६५० हून अधिक पुस्तके प्रकाशित झाली आहेत. ही पुस्तके विविध विषयांवर आधारित असून शैक्षणिक अभ्यासक्रम, संशोधनात्मक लेखन आणि संदर्भग्रंथ म्हणून उपयुक्त ठरली आहेत. विद्यार्थ्यांपासून संशोधकांपर्यंत सर्व स्तरांवरील वाचकांसाठी ही पुस्तके मार्गदर्शक ठरली आहेत.

संस्थेत सध्या ७ जण कार्यरत आहेत. संपादन, लेखन, शुद्धलेखन, डिझाईन आणि वितरण या सर्व विभागांमध्ये कर्मचारी आपले योगदान देतात. प्रत्येक पुस्तकाची गुणवत्ता टिकवून ठेवण्यासाठी सर्वजण एकत्रितपणे प्रयत्नशील असतात.

कामकाजाची पद्धतही अत्यंत शिस्तबद्ध आहे. हस्तलिखित प्राप्त झाल्यानंतर त्याचे संपादन आणि शुद्धलेखन केले जाते. विषयानुसार तज्ज्ञांचे मार्गदर्शन घेतले जाते. डिझाईन व मांडणी करून पुस्तक छपाईसाठी पाठवले जाते.

महाराष्ट्रातील ३०० पेक्षा अधिक महाविद्यालयांमध्ये प्राईम पब्लिशिंग हाऊस अधिकृत पुरवठादार म्हणून नेमणूक आहे. तसेच विविध विद्यापीठांच्या अभ्यासक्रमानुसार क्रमिक पुस्तकांचे लेखन त्या परिक्षेत्रातील अनुभवी लेखकांकडून करून घेतले जाते आणि त्यांचे प्रकाशन केले जाते. यामुळे विद्यार्थ्यांना अभ्यासक्रमाशी सुसंगत, दर्जेदार आणि विश्वासार्ह साहित्य उपलब्ध होते.

प्राईम पब्लिशिंग हाऊस हे केवळ प्रकाशन संस्था नसून ज्ञानाचा प्रसार, शैक्षणिक प्रगती आणि सामाजिक बांधिलकी यांचे प्रतीक आहे. संस्थेचे ध्येय म्हणजे गुणवत्तापूर्ण साहित्य समाजापर्यंत पोहोचवणे आणि प्रत्येक वाचकाच्या हातात ज्ञानाचा खजिना ठेवणे.