प्राचीन भारतातील भौगोलिक विचार

भूगोल हा विषय केवळ नकाशे, प्रदेश किंवा पर्यावरणापुरता मर्यादित नसून मानवाच्या सांस्कृतिक आणि वैज्ञानिक वारशाशी घट्ट जोडलेला आहे. प्रस्तुत पुस्तकात प्राचीन भारतीय विद्वानांचे खगोलशास्त्रीय व गणितीय योगदान, ब्रह्मांडशास्त्र, विश्वदृष्टी, धार्मिक व पवित्र भूभागाशी असलेले निसर्गाचे संबंध तसेच प्राचीन भारतातील आर्थिक भूगोलाचा सखोल अभ्यास करण्यात आला आहे.

विद्यार्थ्यांना आर्यभट्ट व भास्कराचार्य यांचे पृथ्वी व ब्रह्मांडाविषयीचे विचार, नद्या-पर्वतांचे सांस्कृतिक महत्त्व, व्यापारमार्गांचा भौगोलिक पाया, तसेच हडप्पा-मोहेंजोदडो ते लोथल-कालीबंगा या नगररचनांचा अभ्यास करून भौगोलिक दृष्टिकोनाची ऐतिहासिक परंपरा समजून घेता येईल.

🎯 पुस्तकाची वैशिष्ट्ये

• अभ्यासक्रमाशी सुसंगत व सोपी मांडणी

• प्राचीन भारतीय विद्वानांचे भूगोलातील योगदानाचे विवेचन

• आर्थिक भूगोलातील व्यापार-जाळे व शहरी नियोजनाचा सखोल आढावा

• परीक्षाभिमुख उदाहरणे, संदर्भ व मुद्देसूद विवेचन

हे पुस्तक SYBA (सत्र-III) GG-213 (DSC-9) अभ्यासक्रमाशी सुसंगत असून राष्ट्रीय शैक्षणिक धोरण (NEP-2020) च्या मार्गदर्शक तत्त्वांचा विचार करून तयार केलेले आहे. विद्यार्थ्यांना अभ्यासक्रम समजावून घेण्यासाठी, परीक्षेची तयारी करण्यासाठी आणि सर्वांत महत्त्वाचे म्हणजे प्राचीन भारताच्या भौगोलिक वारशाविषयी अभिमानाची जाणीव करून देण्यासाठी हे पुस्तक उपयुक्त ठरेल.

राष्ट्रीय शैक्षणिक धोरण (NEP - 2020) च्या मार्गदर्शक तत्त्वानुसार, एस.वाय.बी.ए. (सत्र 3) भूगोल (DSC) विषयाच्या नवीन अभ्यासक्रमानुसार तसेच M.P.S.C., नेट-सेट व इतर स्पर्धा परीक्षांसाठी उपयुक्त असे अद्ययावत पुस्तक