भाषा : स्वरूप व लेखन

भाषा : स्वरूप व लेखन हे पुस्तक मराठी भाषेच्या मूलभूत अभ्यासावर प्रकाश टाकते. भाषा ही केवळ संवादाचे साधन नसून ती मानवी संस्कृती, विचार आणि संवेदनांचा आरसा आहे. या पुस्तकात भाषेचे स्वरूप, तिची निर्मिती, मानवी जीवनातील स्थान, तसेच बोलीभाषांचे वैविध्य यांचे सुलभ विवेचन केले आहे. वऱ्हाडी, मालवणी, कोकणी, अहिराणी, तावडी, दख्खनी अशा विविध बोलींच्या वैशिष्ट्यांचा अभ्यास करताना त्यांच्या सामाजिक आणि सांस्कृतिक पार्श्वभूमीवरही विचार करण्यात आला आहे.

पुस्तकात प्रमाणभाषेचे शास्त्रशुद्ध स्वरूप, तिची आवश्यकता आणि बोलीभाषांशी असलेले साम्य-भेद स्पष्ट केले आहेत. आधुनिक लेखनशैलीत विरामचिन्हांचा नेमका उपयोग कसा करावा, यावर विशेष भर देण्यात आला आहे. तसेच परिभाषेचे शुद्ध व तांत्रिक स्वरूप, विविध क्षेत्रांतील पारिभाषिक संज्ञा आणि आधुनिक परिभाषेची उपयुक्तता यांचे विवेचन केले आहे.

देवनागरी लिपीची ओळख, तिची वैशिष्ट्ये, उच्चारण व लेखनातील संबंध आणि मराठी लिपीसमोर असलेली आव्हाने यांचा सविस्तर आढावा या ग्रंथात घेण्यात आला आहे. विद्यार्थ्यांना, संशोधकांना आणि भाषाप्रेमींना मराठी भाषेचे स्वरूप, तिचे शास्त्र आणि व्यवहारातील स्थान समजून घेण्यासाठी हे पुस्तक उपयुक्त ठरेल.

राष्ट्रीय शैक्षणिक धोरण (NEP 2020) च्या मार्गदर्शक तत्त्वांनुसार, सावित्रीबाई फुले पुणे विद्यापीठ ‌‘द्वितीय वर्ष कला - मराठी (OE)‌’ विषयाच्या नवीन NEP अभ्यासक्रमावर आधारित