गुप्त भाषा आणि गुप्त लिपी विश्व

“गुप्त भाषा आणि गुप्त लिपी विश्व” हे पुस्तक प्राचीन भारतातील गूढ, दुर्लक्षित आणि अद्यापही न उलगडलेल्या भाषांचा व लिपींचा सखोल अभ्यास सादर करते. सम्राट, राजघराणी, व्यापारी आणि योद्ध्यांनी आपल्या खजिन्याचे, आदेशांचे आणि गोपनीय दस्तऐवजांचे संरक्षण करण्यासाठी गुप्तभाषा आणि लिपींचा वापर केला. ब्राह्मी, खरोष्ठी, ग्रीक लिपींपासून ते शिलालेख, ताम्रपट, सिक्के आणि मुद्रांपर्यंत या लिपींचा ऐतिहासिक प्रवास या ग्रंथात तपशीलवार मांडला आहे.
आजच्या डिजिटल युगातही हजारो गुप्तभाषा आणि लिपी संशोधन संस्थांकडे उपलब्ध आहेत, परंतु त्यांचे डिकोडिंग अद्याप अपूर्ण आहे. या लिपींचा अभ्यास केल्यास भारतीय इतिहास, संस्कृती आणि सभ्यतेवरील अनेक रहस्यांचा पडदा दूर होऊ शकतो. लोथल, सिंधू संस्कृती, सम्राट हर्षवर्धन आणि मध्य आशियातील संदर्भांमधून या लिपींचे ऐतिहासिक महत्त्व अधोरेखित केले गेले आहे.
गुप्तभाषा-लिपी केवळ सांस्कृतिक वारसा नाही, तर सुरक्षा, संरक्षण, व्यापार, भूगोल आणि ब्रह्मांडशास्त्राशीही निगडीत आहे. त्यामुळे या विषयाचे संशोधन नव्या पिढीपर्यंत पोहोचवणे, त्यांना प्रेरणा देणे आणि शैक्षणिक संस्था, संशोधक व शासन यांना एकत्र करून या अमूल्य ठेव्याचे जतन-संवर्धन करणे ही काळाची गरज आहे.
हे पुस्तक वाचकांना गुप्तभाषा-लिपींच्या अद्भुत विश्वात प्रवेश करून भारताच्या गूढ परंपरेचा उज्वल वारसा समजून घेण्याची संधी देते.