भूगोल अध्यापनशास्त्र (भाग 2)

भूगोल अध्यापनशास्त्र हे पुस्तक बदलत्या शैक्षणिक परिप्रेक्ष्यात भूगोल विषयाचे अध्यापन अधिक सुसंगत, अनुभवाधारित आणि विद्याथकेंद्रित बनविण्याच्या उद्देशाने तयार करण्यात आले आहे. नवीन शैक्षणिक धोरण 2020 च्या मार्गदर्शक तत्वांचा विचार करून अध्यापनशास्त्रातील विविध संकल्पना, पद्धती, साधने आणि मूल्यांकन तंत्रे यांचे सुसंगत व व्यवहार्य स्वरूपात सादरीकरण करण्यात आले आहे.
भूगोल हा विषय केवळ नकाशे आणि आकृत्यांपुरता मर्यादित नसून पर्यावरण, हवामान, नैसर्गिक संसाधने, मानवी वसाहती, औद्योगिक विकास आणि जागतिक संबंध यांचा अभ्यास करणारा व्यापक विषय आहे. त्यामुळे विद्यार्थ्यांमध्ये निरीक्षण क्षमता, विश्लेषणात्मक विचार, समस्या सोडविण्याची कौशल्ये आणि पर्यावरणाबद्दलची संवेदनशीलता विकसित करणे हा या पुस्तकाचा मुख्य हेतू आहे.
या पुस्तकात वार्षिक नियोजन, घटक नियोजन, पाठयोजना, मूल्यनिर्धारणाच्या विविध पद्धती, अभ्यासक्रमातील सुधारणा, कृती संशोधन, तसेच भूगोल शिक्षकांचा व्यावसायिक विकास यांसारख्या महत्त्वपूर्ण बाबींचा सविस्तर आढावा घेतला आहे. उदाहरणे, आकृत्या, तक्ते आणि उपक्रम यांच्या माध्यमातून विषय अधिक स्पष्ट आणि समजण्यास सोपा करण्यात आला आहे.
शिक्षक प्रशिक्षण घेणाऱ्या विद्यार्थ्यांसाठी, कार्यरत शिक्षकांसाठी आणि शैक्षणिक संशोधकांसाठी हे पुस्तक उपयुक्त ठरेल. अध्यापनात नवकल्पना आणण्यासाठी, विद्यार्थ्यांमध्ये भूगोलाविषयी आवड निर्माण करण्यासाठी आणि कौशल्याधारित शिक्षणाची दिशा देण्यासाठी हे पुस्तक निश्चितच सहाय्यभूत ठरेल.

पुण्यश्लोक अहिल्यादेवी होळकर सोलापूर विद्यापीठ, सोलापूर बी.एड. (द्वितीय वर्ष) तृतीय सत्र नवीन अभ्यासक्रमानुसार क्रमिक पुस्तक... तसेच महाराष्ट्रातील सर्व विद्यापीठांच्या बी.एड., एम.एड., बी.पी.एड्, व एम.पी.एड्. च्या पुनर्रचित अभ्यासक्रमानुसार उपयुक्त तसेच MPSC, NET- SET CET, TET व इतर शिक्षणशास्त्राच्या स्पर्धापरीक्षा व शालेय शिक्षकांसाठी उपयुक्त